នាព្រឹកថ្ងៃទី២៦ ខែកក្កដា ឆ្នាំ២០២៣ នៅសាលប្រជុំគណៈកម្មការទី៣ព្រឹទ្ធសភា គណៈកម្មការ វិនិយោគ កសិកម្ម ធនធានទឹក ឧតុនិយម អភិវឌ្ឍន៍ជនបទ និងបរិស្ថាននៃព្រឹទ្ធសភា(គណៈកម្មការទី៣) ដឹកនាំដោយឯកឧត្តមបណ្ឌិត ម៉ុង ឫទ្ធី ប្រធានគណៈកម្មការ បានទទួលជួបពិភាក្សាការងារជាមួយនឹងមជ្ឈមណ្ឌលផ្លាស់ប្តូរអាស៊ី-ជប៉ុន ដឹកនាំដោយលោក kansuke Otani អតីតសមាជិកសភាប្រចាំខេត្តហ៊ីយ៉ូហ្គូ ប្រទេសជប៉ុន និងជានាយកមជ្ឈមណ្ឌលផ្លាស់ប្តូរអាស៊ី-ជប៉ុន ដើម្បីស្វែងយល់បន្ថែមអំពីប្រទេសកម្ពុជាក្រោយការរាតត្បាតកូវីដ-១៩ និងបន្តសកម្មភាពសម្រាប់ការងារសប្បុរសធម៌ និងការផ្លាស់ប្តូររវាងប្រជាជនជប៉ុន ព្រមទាំងការងារពាក់ព័ន្ធនឹងវិស័យជាសមត្ថកិច្ចរបស់គណ:កម្មការ រួមមាន៖ ផែនការ វិនិយោគ កសិកម្ម ធនធានទឹក ឧតុនិយម អភិវឌ្ឍន៍ជនបទ និងបរិស្ថាន ដើម្បីនាំយកនូវសំណូមពររបស់ភាគីកម្ពុជា ទៅរាយការណ៍ជូនតាមបណ្តាក្រសួងដែលមានការពាក់ព័ន្ធនៅក្នុងប្រទេសជប៉ុន ក្នុងការទាក់ទាញអ្នកវិនិយោគទុនប្រទេសជប៉ុន ឱ្យមកបណ្តាក់ទុនវិនិយោគនៅកម្ពុជាឱ្យបានកាន់តែច្រើនបន្ថែមទៀត។

សូមជម្រាបថា ក្នុងជំនួបសម្តែងការគួសម និងពិភាក្សាការងារនាឱកាសនេះ ក៏មានការអញ្ជើញចូលរួមពីឯកឧត្តម ប៉ុល លឹម អនុប្រធានគណៈកម្មការទី៤ព្រឹទ្ធសភា និងឯកឧត្តម ម៉ាន់ ឈឿន អនុប្រធានគណៈកម្មការទី៧ព្រឹទ្ធសភា៕

ប្រភព៖នាយកដ្ឋានព័ត៌មាន